يا ابو سعود أعلنت بالعلم الأكيد
في ليلة الاثنين واوحينا الوكاد
عن كشف من لابليس واعوانه عبيد
شفنا وسمعناهم ماهو ظن اعتقاد
في شاشة التلفاز شفنا اللي نريد
شفنا وجيه الشر غاشيها السواد
يفصلون اللي افعلوا بغدرٍ وكيد
والشكر للي يعلم بغيب العباد
ثم للرجال اللي بذلوا جهد جهيد
حتى تحقق للوطن كل المراد
يا ابو سعود اضرب بكف من حديد
روسٍ تحب الشر واحصدها حصاد
هذي عوايدكم عسى عمرك مديد
من عصر ابو تركي يالين الأمن ساد
وزير الأمن ولك شهادات ورصيد
بقلوب شعبك والقدايم لك اجداد
حلمٍ وعلم وحكمه وراي سديد
لين جنابك والعبث بأمن البلاد
يزعلك ولا أنت بذي يانايف وحيد
دون الوطن نزعل ونعلن للجهاد
حنا جنودك واعرف انا مانحيد
عن الفهد والروح ندفعها سداد
ومن مات منا للوطن يحسب شهيد
ومن عاش عاش بعز وايامه عياد
قلته بعد شفتك تبشر من جديد
بنتايج التحقيق وارتاح الفؤاد
علم فرحنا به ولافرحات عيد
الله يحفظكم حصون للبلاد
واقبل تحيات الولا مسك القصيد
يا اميرنا المحبوب والدنيا جهاد
