الخيل والمجد والفرسان والسيره
في ذاكرتنا مدى الأيام محفوره
الخيل نور والجزيرة ارث وذخيره
بالسلم والحرب تاج البيد منصوره
الخير في ناصيتها منثني غيره
معقود والجود هي بالجود مفطوره
لا هامت الخيل والفارس ضرب زيره
في ركضها للسحابة لأمطرت صوره
بخصورهن الضوامر تشتعل غيره
في عين حورا بطيب العود مشهوره
الخيل عصر قديم شمعة الديره
صلب الرسن لا علجته جات مسروره
الريح جتنا تقوده والزمن سيره
والطيب كله سبيل الخيل وعصوره
الخيل فوز المعارك من مشاهيره
تعانق الفوز هي بالفوز مأموره
الخيل ترقص سعادة ترفض الحيره
في عهد فهد العرب بالصيت معموره
مضمارها الفهد اشعل فيه تطويره
وإلا عقيد السرايا مانست دوره
عبدالله اللي سما بالخيل تدبيره
ماتضحك الخيل إلا لا عقد شوره
ولاتبكي إلا زعيم في طوابيره
فجر الوطن والبطولة فيه محصوره
عبدالعزيز الوطن كله مشاويره
هو متعب الخيل لو تبكيه معذوره
الخيل زينة وطنا ذروة السيره
لو ليلها شمس تبكي فعل أخو نوره
