ليتها من غيرك ان كان يا الغالي تهون

طعنة من يدك وشلون يبرى جرحها؟!!

آه من خنجرك ما اقساه يالغض الحنون

تجمع لقلبي جروح عجز عن طرحها

ماهقيتك وانت رمز الوفا تقدر تخون

واثق بك والمحبه بنينا صرحها

من غلاك اغليت ديرتكم اللي تسكنون

ماعلينا من نخلها ولامن سرحها!!

للبشر رغبات وشفوف فيما يعشقون

وانت من شيَّب عيوني وسبة فرحها

بس مهما صار لاقلت سامحني تمون

لو سكتنا عن مواضيع يوجع شرحها