في مهجتي ذكرى غرام المحبه

اللي ولا مره لها خافقي مل

منها الرحيق اللي رحيقه مشبه

في ريحة الريحان والورد والفل

وريح السقيا يوم نسنس مهبه

في فيضة فيها غزير الودق هل

فيها النجوم اللي تلالا بقبه

غرامها يجذب خفوق تسلسل

المهجه اللي بالحشا مستتبه

تنقش على صم الصخر باخرالتل

محبة ياويها من محبه

محبة فيها القصايد تغزل

والقلب الأخضر مهجته مستحبه

والحب عذري والهوى دربها زل

وراع الهوى مسكين كل يسبه

ادنى الكلام ليا ابتدى قيل له ول

واللي يسبه فاعرف انه يحبه

يامهجة الخاطر ترضي على الكل

ما دام كلٍ مستعينٍ بربه

هذي هي اكبر نعمةٍ والعنا زل

حب الشرف هو غايتي يا الأحبّه

وغير الخليل الخل ما ارضى ولا خل

على الوفا على الشّرف والمحبّه

سارت قوافل مُهجتي والوفاء دل