جبتي بعد مارحلتي ذكريات السنين
ذكرى صعيبه لروحٍ بالحزن غارقه
فيها تجرعت لوعات الأسى والونين
وسود الليالي شقاها لاح لي بارقه
أخفّي الجرح لو هو وسط قلبي مكين
حتى لو أفرح أحس أن الفرح سارقه
أمشي سنين الصبر وأنتي بذا تعرفين
وباب الحزن عارف أني طارقه طارقه
أدوس درب الشقا والقلب نبضه حزين
عهد الوفاء لك غصونه بالوفاء وارقه
ما كنت أفكر بيوم للعهد تنقضين
وفجأة,, رحلتي,, وشمسي بالعهد شارقه
وشوفي بعد كم سنة غبتي وتوك تجين
من عقب ماطاب جرح أسنينك الحارقة
ياوش تبين أبعدي,, نسيت ذيك السنين
تركت دربك من أسنين وأنا مفارقه
