تجين,, أو ماتجين, وبالحنين اللي كبر فرقاك

فديتك,, طعنتين وحسرتين بأوّل أغيابي

من اول ما بدي فيني عذابي وابتدا مسراك

ولابي من غلاك إلا عناي وشدة إعجابي

ترى وان جيت أبا انسى ياحبيبي مستحيل أنساك

أنا والله من شفتك وانا عايش على اعصابي

أنا حييت بك صادق غلا, والقلب لا حياك

غريبة, كيف أنا أتعب بك كثير ولا تهنابي

أنا أذكر في سلامي بالموادع ترتجف يمناك

حظنتك بالغلا يوم الدموع احضانها أهدابي

وانا بصدري طيور وبور جورك من هناك هناك

من أول ما بديتك حلم, واقع يجهل أسبابي

تعرف ان ابسماك اكثر غيوم ولا أمطرت من ماك

ونا ارضي تشوم ولا مطرك يبلل اثيابي

ياليت أني بكيت ولادريت ان أولك أقصاك

ولكني بكيت ولا وصلتك يا اصدق أحبابي