يارب مالي غير دينك عباده
ياخير من ندعيه عند الشدايد
عِنّى على قلبٍ صعيبٍ جهاده
ونفسٍ جهلها كل يوم يتزايد
ومتني على سنة محمد وزاده
تقواك ياللي ماتخفاك العقايد
مايستوي درب الشقا والسعادة
من خلقت الدنيا تراهن ضدايد
الوقت قد قالوا سموله نفاده
الدايم اللي باكمل الفضل جايد
انا اعرف ان الغرس ياتي جداده
وادري يقين لكل زرعٍ حصايد
الآدمي لو طال عمره وماده
تضمن فناه المسملات الجدايد
سود الليال موكلات ببياده
كم فرقن قدامنا من بدايد
سيد البشر وينه جلي الافاده
اللي بحق يشيد به كل شايد
بامر العظيم المنفرد بالسياده
للمؤمنين هداه نصر وفوايد
محمد اللي بالسما له شهاده
المصطفى الوافي صدوق الوعايد
جاهد بنفسه لين حقق مراده
وسدد ثلومٍ يبهتن السدايد
ثبت حنيف الدين والحق ساده
وحنت عليه جذوع خضر الجرايد
واختار له مولاه خيرة عباده
والنعم بالقدوه,, ونعم السنايد
