مرحوم يا شيخ توفي له أيام
الله يبيحه عد هرجه وممشاه
وعد الشهور وعد ما راح من عام
وعد الجموع اللي من البعد تنصاه
يا نورنا اللي منور طول الأيام
مثل القمر نوره ليا بان محلاه
تبكيه ناس تسكن الشرق والشام
وكل العرب تبكيه حزن وترثاه
وتبكيه دور سجلت كل الاعلام
من علمه اللي معطي العلم يرضاه
وتبكيه كتب سجلوها بالأقلام
كتب عساها في موازين حسناه
كتب الحديث وكتب فقهٍ بها أحكام
وكتبٍ عليها من تواقيع يمناه
بلوغ المرام موضح فقه الأحكام
والممتع اللي رابح من تملاه
وتبكيه دار في عنيزة بها قام
ويبكيه بيتٍ نفقده في مصلاه
وكل البكاء يبكيه من جاء له إمام
ويبكيه دربٍ مهده كثرت خطاه
وبيت الحرم يبكيه مع طيلة العام
وعشر رمضان اللي بها يطرح أرياه
ويبكيه طلابٍ لهم مجلس عام
في جامعه تجلس على الخير وياه
وببكيه أنا من خاطر منه منضام
ضيم تمكن به وحده على قصاه
وببكي على علمٍ عرف منه الإسلام
علمٍ من علوم الفقيده كسبناه
ساعة لفاني علم موته بالإعلام
عفت المذاق وحالي النوم عفناه
كني مريضٍ يضوي الليل ما نام
نومه تناتيف من الهم لاجاه
يا شيخ موتك زاد عباد الأصنام
وأهل البدع بتقول زدنا بفرقاه
زادوا وغنوا به مع الطير لا حام
شرذمة تكره هل الدين وعصاه
الله يدمرهم ويسقيهم السام
ويجعل جزاهم في جهنم وتلقاه
وبسألك أنا يا فارضٍ حج وصيام
يا اللي تجيب العيد لا لح بدعاه
حرر ديار مستحلة من أعوام
ودارٍ بها بيتك من البعد شفناه
دار بها حرب مع سفك وإجرام
دار بها باراك جنده وتبراه
وبطلبك انا يا فارج كل الأوهام
يا اللي من الضيقات جودك طلبناه
ترحم إمام في نداء الخير مقدام
وتجعل جنان الخلد يا رب مثواه
وتحسن عزانا فيه يا رب الأرحام
وعطنا العوض في الشيخ شيخ وترضاه
وتمت وصلى الله على خير من صام
محمد رسول الرب بالدين وصاه
