بديت باسم خالق الكون رحمان
الواحد المعبود رب البرية
الخالق الرازق رزاق حيتان
مندوب رزق الطير بياء نحيه
علام ما بالكون خافي وما بان
علام سر العبد كاشف خفيه
رزاق في وسط الثراء عمي ديدان
ومجري سريع الدم بعروق حيه
يالله يا للي خالق الأنس والجان
يا فارج الشدات منجي نبيه
يوسف بن يعقوب بالسجن منهان
نجا نبي الله من كل سيئة
وموسى نبي الله فايز بوكدان
ساعت غرق فرعون شر الرعية
وايوب طاح بحفرة العثر مرضان
ودعاك وأشفيت المرض يا وليه
من بعد ذكر الله الفت قيفان
اخذت عذب القاف وتركت رديه
ويا المستمع يا للي بالأحداث فهمان
عليك سمع القول وافهم بقيه
صدر خبر مشروح للناس بأعلان
ينبي حدث توديع نفس وفيه
بخمسة عشر شوال اعلن بيان
احد رجال العلم جته المنيه
الشيخ ابن عثيمين من روس الأعيان
ينبوع علم الخير نفسه رضيه
اقفى عن الدنيا ولفلف بلا كفان
عنه عسى الحسنات تمحي الخطية
من عقب فقدان الشيخ الكل حزنان
لعل روحه بالجنان الفضية
صاحب فضيلة وبالعلم له شان
الله رفع ذكره بالمقدرية
بذل جهده بكل الإمكان
حت أرث العلم ورجال كفيه
سجله التاريخ بالعلم برهان
ويا ما دعا بالعلم في صدق نيه
ويعمل لوجه الله بسنة وقرآن
ويلهج بذكر الله صبح وعشية
ارجو عسى الله يرزقه لطف وإحسان
ويغمد روحه بالجنان العذيه
واغفر ذنوبه ومن عليه بغفران
وارحم عبدا لجابك ملجوية
وارفع تعازي لأسرته جعل ينصان
عن العذاب ولا يحاسب بسيئة
عساه يوم العرض بالخير فرحان
ونفسه من التعذيب تبقى بريه
الله يكتب له سعادة ورضوان
دعوه وفاء عطف النفوس الوفية
صلاة ربي عد همال الأمزان
على رسول الخير خير البرية
