الله يرحمها ويجبر عزا عناد
ويجبر عزا اللي يوم غابت فقدها
يالله يا رب لك الخلق سجّاد
يا خالق الانفس ومحصي عددها
تغفر لها يا رب في يوم الأشهاد
وتمحي خطاياها بصافي بردها
وتجعل لها في جنة الخلد ميعاد
في وسط طوبى يا لله اكمل سعدها
وسع عليها اليوم عن ضيق الالحاد
وعلى ثبات القلب يالله زدها
يا عناد لو دمعي إلى هل لك فاد
هليت دمعي لين يصفي مددها
يا عناد لو هو ينطح الموت بجهاد
لتشوف وقفات كبار تحمدها
لا شك سنة,, والمقادير ورّاد
والموت كل بيوت الامة وردها
يا عناد انا مثلك بي الهم يزداد
من كثر أنا ما أغليك كني ولدها
