|
| تراث الجزيرة
نشرنا في عدد الأسبوع الماضي لغزاً كتبه الشاعر المعروف ثامر بن محمد القطيم السبيعي قال فيه:
|
يا اهل المعرفة مايدل الا البصير
وش مهرة ماركبها خيالها
من خلقة الدنيا على البيدا تسير
تبرى لراعيها وهو يبرى لها
ماركبها غاير,, ولاينطح مغير
وله فال يا أهل العرف ماهو فالها |
وقد جاءتنا عشرات الحلول,, فكانت الحلول الصحيحة كما يلي:
|
يابن قطيم العلم له بحر غزير
عز الله انك موفي مكيالها
في روضة يشبع ضحى فيها البعير
مع دله ماينسي فنجالها
فيها الضباء والخرب وطيور تطير
والا فرس هالداب مازدنا لها |
محمد عبدالكريم الغزي
الزلفي
***
|
قريت لغزك بالجريدة يالخبير
ألغاز توه مالفىحلالها
هذي فرس داب على العالم خطير
ومن يقرصه داب يخاف حبالها |
محمد عيد القحطاني
***
|
المهره وخيالها ماهو قصير
معروفة باسمه تسير لحالها
تدعى باسم خيالها ماش اسم غير
ان شالت الخيال والا شالها
خيالها مسموم بالناب الخطير
البعد عن قربه تراه اشوى لها |
محمد علي السالمي
رفحاء
***
|
من شاور برايه خبير مايحير
راع المثل من عام الاول قالها
صحيح وان شاورت بالرمعه خبير
قال: استمع مني صدى موالها
الجزلة اللي نومست شوف النظير
اسم الفرس,, والداب هو تكمالها |
عبدالرحمن الجروان
الزلفي
***
|
يامرحباً حييت والصاير يصير
ماتمشي الحيله على محتالها
كبّرت لفظ البيت والمعنى صغير
لكن تعرف للعقر حلالها
الداب ياثامر على البيداء يسير
يمشي لحال ومهرته في حالها |
زيد سعود العتيبي
المجمعة
***
|
يامرحبا بك عد مافاح العبير
وعداد رمل سهولها وجبالها
تنشد عن المهره وفيهالاتحير
هذي فرس داب نعرف احوالها |
عبدالله حمد البدر
الزلفي
***
|
يقول من هو صامل مايستشير
اللي يثبت كلمته لاقالها
احسنت ياثامر على اللغز المثير
لو مهرة الخيال حاله حالها
الداب ماركب فرسه وأنته خبير
ماشالت الفارس وهو ماشالها |
فرحان الرشيدي
حائل
***
|
إعداد نبت الروض,, وأنسام العبير
والمزنة اللي سبلت همالها
حييت يابن قطيم,, والمعنى جدير
اقولها وأشوف كل قالها
ماهي ظنون,, اكيد ياريف القصير
هذي فرس داب تسير لحالها |
فهد الجروان
الزلفي
***
|
سر ياقلم واكتب مثل نفح العبير
فوق أبيض القرطاس هات اجزالها
نبي نجيب الحل والصاير يصير
اما الهدف صبناه ولا بجالها
هاذي فرس الداب ماتبغا خبير
ماشالته في ظهرها ولاشالها |
سفر مشبب الشطيطي
العمار
***
|
ما أخذ جواب اللغز من وقتي كثير
وعادت ظنوني ماتخيب آمالها
يبقى الذكاء بالقلب كالنور المنير
ويفرق رجال العرف عن جهالها
تجري فرسة الداب يتلاها الخطير
ياشاعراً عسر المعاني قالها |
محمد هذال آل بريك
أبو امواج
***
|
ياهل المعرفة مايضيع الا الضرير
والا البصير يشدها باحبالها
اشوف انا الخيال له سمٍ خطير
ومهره فرس داب ماشيف اجلالها
وابعث تحيات بها عطر العبير
للي نشر ومعدها ورجالها |
حميد بن موسى السليمي
الرياض
***
|
اعداد طير في سما العارض يطير
حييت ياثامر وخذ فنجالها
الداب قالوا له فرس ماهي كبير
ماشالته والداب مايشتالها |
بجاد بن هاجد المخلفي
الرياض
***
|
اهلاً هلا بك عد همال المطير
يوم المزون يلوج برق خيالها
واللغز واضح عندنا حله يسير
مايحتمل ياصاحبي لجدالها
تقصد فرس داب تجي حول الغدير
ماشالت الفارس,, ولاهو شالها |
عطا الله بن سليمان العطا الله
الزلفي
|
|
|
|
|
