ذا نصيبي في الهوى بك تعثر

لاواعذابي عشرتك مستحيله

وقتي بعد ماكان صافي تكدر

حتى الفرح قفى واعلن رحيله

فرحة عذولي بحالتي ماتصور

مجبور مالي في ردى الحظ حيله

كم كنت انادي واشتكي واتصبر

وانا انتظر وصلك ليالي طويله

حسبي تجيني ماتغيب وتعذر؟

تحي هوى نفسٍ تعنّت عليله

مدري ظروفك او علينا تكبر

غير انت من لي بالغرام اشتكي له

اصبر عسى اللقيا تهون وتيسر

نلقا لنا برجوا الامل من وسيلة

فينا بقايا شتات حلم تكسر

مهما شكينا مارضينا بديله