لولا الغلا ماكان حنا التقينا

ولاحصل مابيننا قرب وافراق

ويمكن تجاهلنا ويمكن نسينا

ان الزمن يجمع مع البعد عشاق

حنا لقينا صدق الاحساس فينا

وإتعانقت فينا المشاعر بالاعماق

كان الامل انا نشبك ايدينا

نعلن هوانا للبشر عبر الافاق

ماهمنا من هو تجنى علينا

دام الغلا بقلوبنا صار دفاق

لكن خسارة يوم حنا التقينا

ضاعت مشاعرنا مثل لمح براق

مدري بدينا اونكون انتهينا

مدري يطول الليل او يحصل اشراق

مثل الشمع حنا بلحظه طفينا

يوم ان قلبك مارحم قلب مشتاق