لو بالجفا يازين تعلن تحديك
لا والذي صورك لاعلن جفاتي
وانا الذي عن باقي الناس مغليك
مغليك واكثر من غلاي ل حياتي
ويش السبب لو صار قلبك يعليك
وانا الذي مشتاق لك ياغناتي
صدق المعاني يالغضي دوم يرثيك
وحتى القلم يازين يقلد بكاتي
لا تحسب ان الحكم يازين بيديك
ولاتحسب ان الهجر اساس النجاتي
وما انسى مكانك يالغضي يوم اناديك
وما انسى ليالي بسبتك ما اباتي
وماظن فكري صابرٍ في تماديك
وما ظن وقتي ينتهي بالسكاتي
وايام حبك صادره مع لياليك
وليتك تحس بلوعة اللي يحاتي
ولاتحسب اني يوم غيبت ناسيك
لكن هموم الوقت فيني تباتي
ولاتحسب اني انزعج حين طاريك
انت الدوا وانت الهنا في حياتي
ترى مناتي يالغضي ليت اراضيك
وياليت ربي يجمع اقصى شتاتي
