أخطيت من كثر ما حبك وأماري بك

ابيك تشره واشوف الغيظ بعيونك

ابيك تشره وانا اللي شايف طيبك

يمكن يريح عتابك قلب مضنونك

تعبت وانا بسيف الصمت اهلي بك

خايف من البوح يقتل رغبتي دونك

وانا ليا غبت عنّي قمت اهذري بك

وان جيت للصدق كلي صرت مجنونك

يوم ان حبك على جرحي نثر طيبك

خل القصايد تناثر عطر لطعونك

يا كثر ما تآخذك بالبال وتجيبك

لأقصى حدود السحاب وقلت ممنونك

ما قلت لك يوم تقهرهم عذاريبك

وشلون ياخذ شعاع الشمس من لونك

ما هوب انا اللي ولو نزعل يضحي بك

ان قالها الله عنيت وجيت لعيونك