ملكني بالغلا والعهد لله ما تناسيته

برغم البعد والغيبه عذابي ما اشتكى همّه

تمر عيوني عيونه بنظرة حب,, حسّيته

ولو أغضيت من طرفي شعوري دايم يمِّه

أنا آمر ولا حدٍ قبله آمرني ولبيته

هنيا له بقلب منتحيه وبالغلا ضمّه

جذبني مثل حلم مرِّني بالحيل جيته

وجيته مثل نسمة عطر ما أحد بالهوى شمّه

على بعضي وكلِّي له مسيِّس بالحشا بيته

ملكني والغلا بالقلب يجري ما جرى دمّه

أمير الحب,, لعيونه عزيز الحرف خطّيته

حبيبي فوق هام السحب عنهم خافقي زمّه