أشعلت شمعة حبنا وغرد الطير

في لحظةٍ يفرح بها من لقاها

لحظة فرح لحظة تزف التباشير

وتروي العيون الباكية من ظماها

بعد العنا والهم وكثر التفاكير

نفسي تحقق في هواها منالها

واحتار فكري عند نظم التعابير

في وصف عذراء كل زينٍ زهاها

جمالها يفرق كثيرعن الغير

حبيبتي بالحيل زايد حلاها

يالله عجلها لنا ليلة الخير

الليلة اللي قربت لي خطاها

قبل الزفاف وزحمته والمسايير

مشاعري فاضت تبين غلاها