ما كل شعيبٍ يسيل تربع فياضه
أشوف خدي يتسايل وين قيصومك
اللي فقد له عزيزٍ صعب يعتاضه
ما عاضني فيك إلا باقي رسومك
لو يذبح العشق مبطي مت بالحاظه
ياجعل يومي ياعمري سابقٍ يومك
لو كل عاشق يجي له قد مركاضه
ما رحتي عني بعيد وصرت محرومك
تخطي عليه وعيني عنك غضاضه
وأحلف أنا كذب فيك وأرجع أصومك
أقول خلّي ترك لي باقي أغراضه
وأنا أدري إني ولا قد جيت بحلومك
يقولوا الناس خلّك لو قسى قاضه
وأقول أنا الناس ما يدرون بعلومك
يا قلب لا أخطى حبيبك رح له وراضه
يمون خله يقوي بالغلا عزومك
حنا شريعة هوانا حيل فضفاضه
إجرح بكيفك ورب البيت ما ألومك
