من يوم ميلادي وانا دمعتي دم
ما يوم حسيت الهناء والسعادة
تطردني الفرحة ويشريني الهم
ما يحتمل صبري قوي الارادة
اسهر بلا قمراء وأغني بلا فم
قصايدي نار وقلبي رماده
اجامل الناشد عن الحال واكتم
والناس تحسبني صديق الوساده
قالو ترى من خاف لابد يسلم
خفت الحكي لين اصبح الخوف عاده
اضحك واسولف واخفي الجرح واندم
دين الزمن عجزت جروحي سداده
حلمي تبخر بأول العمر ماتم
عشرين عام عايش في حداده
واليوم كيف اصبر وروحي تألم
والقلب يبكي ما تحقق مراده
يرحمني اللي ماملك قلب يرحم
شاعر جريح يحزنك بارتعاده
ما يوم عن ظلمه شكى او تكلم
هايم ينادم وحدته وانفراده
