ابني اجدار المثايل على الساس الوثيق
دامت ان الساس عز لبناية من بنا
والمعاني تعتبر مخ للشعر العميق
والفقر ما هوب يوصف على بيت الغنا
يالصدور اللي من أسباب ضيقتنا تضيق
كبرت الانفس علينا نقول الله لنا
الردي لا زعل قلت اضرب براسك طويق
مثل ذلك الجاني اللي على نفسه جنا
كان زاد الماء شويه خرب بعض الدقيق
وان دنا يومك ترى يومي الاقشر دنا
لا تحوس السالفة وانت في نص الطريق
ثم تقعد بالخلا لا هناك ولا هنا
الهوى ما فيه رتبة لواء والا فريق
الهوى ثلثه سعادة وثلثينه عنا
ومستحيل السايله سيلها يصل المضيق
والمضيق ايجوز سيله يحول في منى
