بعض الندم يا صاح لك دمع انزفت

وبعض الندم لك بان لحظة سؤالي

يوم ان قلت الحال صدق تحسفت

لحظة دموعك ما عطتني مجالي

أبعدت عنك وهذا أنا اليوم انكفت

وعيا يطيق القلب طول احتمالي

أنساك كيف أنساك؟ وانا تشرفت

في حبك اللي ما طوته الليالي

ان قلت غالي ما أظني تكلفت

تبقى حبيب ودايم الدوم غالي

وان كنت انا الغلطان كنك ولا شفت

وانا كأني ما دريت بخمالي

صحيح اني بالجفاء حيل اسرفت

لكن عزاي ان الغلا بان تالي

واني الى قبل اللقا يوم ما خفت

وما كان قلبي عنك في يوم سالي

قرب تعال وغلطتي كن ما شفت

وأنا كأني ما دريت بخمالي