برد ودفا
ري وظما
صحو ومطر
هذي أنا
قالوها وبدون اكتراث
وش تحترين؟؟
وين الشباب؟ وين الحياة,,, وين الولد؟ لنفسك حقوق!!
عذرتهم ما يعرفون منهي أنا!!
لا هي الحياة زوج وولد!
ولا الشباب عطر وشهد!
ولا الحقوق نفسي فقط!
الحياة عندي عطا ما له حدود
والشباب هو التحدي والصمود
والحقوق ما يستحقها من عاش لنفسه فقط
عذرتهم
ما يعرفون وش داخلي
حب انولد صلب الجذور,, عالي بشموخ,, ماله مثيل على الاقل عندي انا
عذرتهم
ماذاقوا طعم التضحية,, ما ضموا مجموعة قلوب
ماادركوا معنى الغلا,, ما عاشوا لحظة ارتباط
ما بي ثمن
ولا انتظر رد الجميل
وما فيه ندم
والقلب إيمانه عظيم
وعندي اقتناع
كل اللي يصير مكتوب من رب العباد
العمر,, الرزق,, الممات
وما احلى الرضا
احساس يصعب له الوصول
ووصلت له وكل من حولي شهود
اتمنى بس حسن الختام
ودعوة حبيب بجنح الظلام
ويا الله الثبات
الوسم الطائف
|
