اعمل لآخرتك تغانم زمانك
من قبل لا تضفي عليك غبرتها
دنياك لو تعطيك بالوقت أمانك
بالآخرة,, ما تنفعك,, بهرجتها
مهما اعتلى يالعبد بالوقت شانك
تاليتك بحفره تخيف ظلمتها
يومه تزايد فالزمن عنفوانك
مراكبك في سيرها,, خالفتها
يوم هالأيام,, طوعت بنانك
شاللي عملت من العمل لآخرتها
احذر تقول ان الزمن يوم خانك
فالساعة اللي حاصرتك اسئلتها
لا قامت الساعة وحل امتحانك
دنياك ما تشفع لك,, بتاليتها
فالموقف اللي فيه يعقد لسانك
الاسئلة عندك تغيب أجوبتها
الدين ما غيره بوقتك حصانك
لا شانت أيامك وعاكس بختها
الحق على آخر فرصة في زمانك
من قبل لا تضفي عليك غبرتها
