يارب جيتك طايح كلي ذنوب
وارجيك ترحم جيتي وانخذالي
آمنت بك يا عالم كل محجوب
واسلمت لك يا محيي كل بالي
جسمي غدا من صوب والروح من صوب
الله يجنبنا كثير الخمالي
شي بقى به روح وشي معطوب
وشي شغل قلبي وفكري وبالي
الوقت يمضي والعمر صار محسوب
وما عاد لي يارب غيرك موالي
مثلي مثل خط على جدار مكتوب
ذكرى لسنين ماضيات خوالي
أنا ادري اني كلي اجرام وذنوب
وادري محد غيرك عليم بحالي
يارب يا ستار خفيات وعيوب
استر بستر اللي مضى ما بقى لي
ما يستر الزلات بشت ولا ثوب
الستر ستر الله عظيم الجلالي
اليوم أنا ناصي ولا فيه مطلوب
إلا انت يا للي يزبنك كل جالي
