الكرامة وإن تعدت للكرامة

والله انه ما يصير الأمر عادي

وكانها تبقى أقاويل ونمامة

خلهم يبقون للنار الرمادي

والكبير كبير لو ينزل مقامه

في عيون اللي يسمون الأعادي

بس ما ينزل الراس العز هامة

لو يسيل بالذهب للذل وادي

والغراب غراب لو قلد حمامه

والصقر له هيبته عند الهدادي

والفطين اللي يحاسب في كلامه

ماتردد زلته بين العبادي

والرجولة ما تقيم بالوسامة

الرجولة فعل لا نادى,,المنادي

ومن زعل من بيت شعري بسلامه

دام ما خالفت ديني والمبادي