غاب الحبيب اللي له القلب مشتاق

وغابت مع غيابه لي أحلى ليالي

في غيبته عني جروح ما تنطاق

أحسها بالقلب لا من طرالي

راح وتركني حاير الفكر منعاق

ما أقدر أصدق ويش هو اللي جرى لي

في وحدتي اطلق عناني للأشواق

ومن الوله شوقي يطارد خيالي

ارجع حبيبي خلنا ثنين عشاق

ارجع وخل عنك كلام يقالي

يا زين شمسك لابدت تشرق اشراق

نورك شعاع الشمس وحسنك ليالي

آمنت باللي خالق حب وفراق

يجمع حبيبي وكل غالي بغالي