ياالليالي كبر معروفك عليه
كل سببه منك من ضمن الهداوي
والهديه منك تسوى اميه هديه
ما تجيلي ياالليالي بالمناوي
كنت سالي والنوايا شاذليه
لين راسي منك ناشته المكاوي
وانتبهت وقلت يا كبر الخطيه
الحقايق ما تغطيها الغطاوي
والحلام أمست سراب بجر هديه
يا زمان الشين يا كثر البلاوي
عقبها ميزت مالي وعليه
وانقطع حبل الرجا دون الرجاوي
والمسافه دون شفي سرمديه
لو نهمت النفس وابعدت الخطاوي
لو عزومي من حديد وشقرديه
الظروف أكبر من عزوم الهقاوي
والقدر محتوم والنيه مطيه
والفتاوي عند مفتين الفتاوي
والبروق اتلوح عرض العقربيه
والمطر ما طاح والوادي ستاوي
والرديه ما تصافحها ايديه
الرديه عن مصافحها غناوي
والزمان أشبه بحد النافعيه
من يقول إن الزمن يرحم وياوي
