يا ويش عذرا ما تجيبه ملايين

ولا تغتني عنها جميع الخلايق

خواتها بالعد تسعة وتسعين

علم أكيد ومثبت بالحقايق

يحتاجها السلطان وأيضاً المساكين

ويسوقها من سامك العرش سايق

يا راكب اللي سابقه للشياهين

باذن الولي ماله عن الدرب عايق

من نوع ميراج ثمنها ملايين

تاصل لمنهو نشر الألغاز شايق

اللغز حله واضح للفهيمين

ومنهو صلح في رحمة الرب فايق

أبدي بذكر اللي له الخلق داعين

الواحد المعبود رب الخلايق

يا الله طلبتك رحمتك قولوا آمين

اللي رحم يونس بعد ما تضايق

يحق لك يا تراثنا لو تباهين

كل لجل شوفك يعد الدقايق

وياللي كتبت اللغز حققت ثنتين

صياغته تجذب ومعناه فايق

يا سويد الرحمة لها الناس راجين

والا البشر ما هوب للنار طايق

أبعث سلامي من بلاد الجبلين

عبر الجزيرة بالسطور الرقايق

الشمري ولف من الشعر بيتين

للوائلي نص الحلول الحقايق

أعطيك حل اللغز من دون تخمين

رحمة ولي الكون محص الخلايق

يا الله ثبتنا على العدل والدين

وأرحم عبادك يا إله الخلايق

يا محصي أعمال البشر بالموازين

أنت الذي ما دون خيرك عوايق

لقيت ناس بالجزيرة كريمين

واللغز جيد في معانيه لايق

قاله سويد والجماعه حريصين

كل يفكر قدر ماهوب طايق

الحل رحمة كان حنا رحيمين

فالله يرحمنا لرحم الخلايق

مطلبك يا سويد على الراس والعين

لا صار ياللي يابن الأجواد رايق

هذا جوابك دون شك وتخمين

عبر التراث اللي بها المدح لايق

رحمة ولي العرش غاية هل الدين

يوم الجزا ما ضيقوها الخلايق

سبحان رب يبدل العسر باللين

رب رحيم وعالم بالدقايق

في رحمته خلا الخلايق معافين

ما عاقهم عن نصرة الدين عايق

انزل لهم رحمه وعنده تثامين

تسعين مع تسع بعرشه وثايق

يا الله يا منزل تبارك وياسين

ويا منزل الرحمه لكل الخلايق

ويا خالق رحمه وتسعه وتسعين

أبقيتها عندك وهاذي حقايق

وتسلم على التفكير والمنطق الزين

يا بو محمد صغتها وانت رايق

اللغز يا سويد لقيناه بالحين

كني على قلبك مطل موايق

ذي رحمة الرحمن عنها براهين

بكتابنا المنزل وكتب ووثايق

عبر الجزيرة نبعث الحل قافين

بعد الفطور البال هادي ورايق

الرحمة اللي عمت الخلق هالحين

تعمنا رحماه يوم الوثايق

رحمتك يا رحمن تغفر وتنجين

في ساعة منها الثقلين ضايق

اللغز ما يحتاج شرح وتبيين

مرتب معناه والوصف لايق

ألقاه ابن وائل عسى عمره سنين

وحله لدي موجود والبال رايق

رحمة جليل الملك رب المصلين

مفرج الكربة على كل ضايق

الحق ماله ياهل العرف وجهين

حاشا ولا له بين الأجواد بايق

يا ما رجح نهجه بكل القوانين

يعلى ولا تعلى عليه العوايق

عشنا بأمانه يا جماعة عزيزين

برحمة إله الكون صرنا رفايق

يا مرحبا واهلين يا بن الكريمين

يا بن الرجال اللي تعرف الوثايق

واللغز حله حسب تسعة وتسعين

رحمة اله العرش رب الخلايق

لا تغتني في رحمة الربع الادنين

ما ينفعونك كان مولاك عايق

وإلى رحمك الرب عدل الموازين

يغنيك عن رحمة جميع الخلايق

يا مرحبا بك عد من داج بالصين

واعداد ما بالكون مرت دقايق

لغزك يا بو عقلا لمحناه بالعين

والحل واضح ما تغشاه عايق

حنا على الرحمة من الرب شفقين

وفيه الرجاء يغفر ذنوب عتايق

يا مرحبا بك عدنبت البساتين

ياللي كتبت اللغز والبال رايق

لغزك على حله لقينا البراهين

عند البخاري كان تبغى وثايق

يالله عسى الرحمة تعم المسلمين

ونكتب من اللي من جهنم عتايق

أحسنت سبك اللغز وصف وتبيين

واسلوبك الجذاب عذب ورايق

يا ماحلى التعليم والفقه بالدين

يجلي هموم النفس عند الضوايق

مسكين يالمحروم مسكين مسكين

من رحمة المعبود رب الخلايق

بديت باسم اللي له الناس راجين

الله يكافينا صدوف العوايق

بعده نحل اللغز في ضمن بيتين

مادام فكري للتماثيل رايق

نعطيك حله صح ما هو بتخمين

رحمة تراحم به جميع الخلايق

يا مرحبا باللغز لغز الميامين

من صاحب ما هو من الحل ضايق

اللغز واضح مرفق بالبراهين

هي رحمة المولى قوي الوثايق

هي جبرة الميه بنصب الموازين

الدرب واحد سكرن الطرايق

الكلمة اللي تبتسم بين قوسين

لو قلت هذي ثلج شبت حرايق

وان ضاق صدر الكون بين المحبين

تمطر سما الرحمة على كل ضايق

يا لله يا منزل تبارك وياسين

يا عالم ما خفت جميع الخلايق

يا لله انا طالبك رحمة وتنجين

يوم القيامة يوم كشف الحقايق

يوم به العالم حفاة وعارين

ومع كل نفس جاء شهيد وسايق

صالح عبدالله الزرير التميمي