انتي الحلا كله ومافيه نقصان

وانتي القمر لا من سطع في سمايه

انتي بداية حب ونهاية أحزان

وانتي نهاية دنيتي وانتمايه

انتي الأمل والعمر يا أجمل إنسان

ما اظن شعري في غلاكم كفاية

يا نور عيني والشقا صار عنوان

يا سعد قلبي بالشقا ياشقاية

يا وردةٍ تملا من الحب بستان

ويا مزنةٍ تروي بقلبي ظمايه

حبك دخل قلبي من سنين وازمان

حبٍ بدا ماعاد يقبل نهاية

عساك يا كل الغلا ماانت زعلان

تدري رضاك لبرد عمري دفايه

أطلب من الله شوفتك بعد هجران

مشتاق أحقق غايتي يامنايه