عذبتني ياقلب من وين ماروح
كنك على ماضي زماني شفوقي
حديتني اشكي لك الحزن وابوح
لين الفضاء من زود حزنك يضوقي
الناس يمضي وقتهم ضحك ومزوح
وانت الوحيد لبسمتك ماتتوقي
همت بزمانٍ عذب الحال والروح
حبه جرى بالدم وسط العروقي
بنيت من حبه منارات وصروح
واصبح هوى نفسي وودي وشوقي
اقفت به الايام ما عاد ملموح
عزاي ذكرى والدقايق تسوقي
لذيك السنين اللي لها الشوق مفضوح
فيها الهنا والها المشاعر تروقي
يا قلب يكفي ماانته اليوم مسموح
لا جيت أبنسى صرت همّي وعوقي
كنّي بغبات البحر ما معي لوح
والموج ما يرحم ولا هو رفوقي
اصبر وصبرك لو تباطيت ممدوح
عل الشهد عقب المرارة تذوقي
وليت الأمل يسمح له الليل ويلوح
وتعود شمسٍ غايبة للشروقي
راحت حياتي كلها جروح بجروح
عذبتني حيرتني يا خفوقي
