|
| مدارات شعبية
يمه ليتك تعرفين
اني أعيش بوحدتي
وسط مجموعة بشر
ما همها اللي يجي
وما همها اللي يروح
تركض ورا نسمة هبوب
متعلقة مثل القراش
بخيوط تحسبها الحياة
ما فكرت إن الشروق بعده غروب
وان البشر إحساس!
يمه ليتك تعرفين
بعدك بداية غربتي
وحشة وسكون
صد وجحود
كل الوجوه ابهتت
وكل العيون تحولت
يم اللي منه ترتجي منفعة
متناسية ان الحياة بتستمر
رغم الصدود
يمه لقيت أبشرك من تشبهك
في ريحتك,, في صوتك حتى طلتك
لكن يايمه للأسف
قلبك مالقيت مثله شبيه!
وللأسف هذا اللي ما يقدر
يعوضه أحد حتى أنا
وان كنت احاول جاهدة
وانا قاتلني الظما
ومحاصرة بالاسئلة
يمه ليتك تعرفين
كل الفصول بعدك شتا
وكل الحروف تناثرت
وكل الحقوق تصادرت
وما اقدر أبوح
ما همني,, ما هزني اللي يدور
تدرين ليه ياميمتي!
لاني ربحت مجموعة صقور وغزال
أهديتهم روح وجسد
قلب وشباب
يمه ما اخترت اكون انتِ ولو حاولت
مثلك قليل في البشر
ابعتذر ان بدر مني خطا
ما اقدر انا مثلك أكون
من يقدر ياصل للنجوم
لكن طريقٍ واترسم
حاولت أمشيه بثبات
يمكن انول فيه الرضا
في يوم يخشاه العباد
والقى الوفاء في قلوب
ارويتها لهفه ووله
نبض ودموع
متناسيه كل الهموم
عساي اكون انتِ
وما أقدر أكون الا أنا
وسم -الطائف
|
|
|
|
|
