ترى الخطا منك من الحين مردود
اول علي تخطي وانا اقول مسموح
وباب فتحته لك غدا اليوم مسدود
ومالي معك من بدة الناس مصلوح
غلاك فيني يا هوى الغير مفقود
ومن جرحك اللي فات للآن مجروح
ودامك غديت لعالي الروس منشود
ارحل وجعلي يوم الاقيك مطروح
بيني وبين القلب ميثاق وعهود
من عافني عافه ولو صار مذبوح
راسي رفيع ان رحت او قلت بتعود
وراسك تحت وبريحة الغدر مفضوح
وعزي ترى من والى الكون مسنود
يعني ترى لو جيت بتذل وتروح
وحب وراك بكل الاحوال محدود
حب كذوب بريحة الشك ممسوح
وحب الوفا يا فلان عالدوم ممدود
يسكن خلايا الدم والقلب والروح
ودام الخطا منك غدا اليوم مردود
ابعد لجل حبك من القلب مدموح
