مقدر اقول انك من العين طحتي

لالا ولالا واعتبرها جريمه

مقدر اقول انا العنيد وربحتي

مهما يكون الوضع مرضى الهزيمه

(قصة عناد) ولو دريتي صفحتي

وجيتي تداوين الجروح القديمه

جرحٍ يطيب بجيتك يوم لحتي

وتشفى معه باقي الجروح العظيمه

واقول يا نفس المعنى نجحتي

واضيف حظي للحظوظ السليمه

عودي على راع العناء لو سمحتي

مليت من هجر كواني جحيمه

ويا كثر ما رددت انا (وين رحتي)

ولا طعت عذالي وراع النميمه

يا اغلى بشر بالكون والله رجحتي

بالكفه وصرتي بعيني زعيمه