على ضفاف السهر والليل والحيره

وطيف وخيالات مرت قدم وخلافي

آخذ عبر من زمان زاد تعبيره

واقول زلة رفيق صار لي جافي

البحر مالح وحلوه صعب تصويره

وخوف النهايه يهدد شره الخافي

ارسلت الايام مع مزحه وتدبيره

ووصفتها لين بانت كل الاوصافي

ودرب الردا ما تشوقني مشاويره

جنبت كل الخطاوي عنه تنعافي

اركض مع الناس والله يعلم الخيره

من خوف ضيم الليالي يلوي اكتافي

ما غرني لمعة الغير ومضاهيره

امشي عدل والدلايل تثبت النافي

ولا للزعل في حياتي كلها سيره

انهض كما الطير وابدي كل مشرافي