ليلة الاثنين جاني العلم عنها

وهل دمعي مثل هطّال السحابي

قيل ماتت ثم حطت في كفنها

بالقبر والقبر هيّل بالترابي

هذي الدنيا تشوف الموت منها

تعطي وتاخذ ولا تحسب حسابي

كلنا مقفين لو نغلي ثمنها

ودربنا واحد منزل بالكتابي

راحت أم فياض مع ماضي زمنها

ليتها تفدى أبفديها بشبابي

عقب ماهي بيننا تامر وتنهى

صارت بوسط اللحد لاوا عذابي

روحي اللي زايد فيها حزنها

اجذب الونات انا ما حد درابي

يرحمك رب السما يالله عنها

ويغفر الذنب ويزيدك بالثوابي

بجنة الفردوس ولاّ في عدنها

تسكنه يالله طالبك الجوابي