كتبت الشعر لا رغبة ولا أرجي وراه اموال

ولا قصدي انافس به فحول القاف ورجاله

ولكن حاشرٍ بالصدر يزعجني لما ينقال

ولو ما اخففه بالشعر شب الجوف ولواله

وخصٍ لا طرت ذكرى ليالٍ ما لها أمثال

ليال شالها التيار وخلى دارس اطلاله

ولا مني لمحت البرق في جو السما شعال

تحذر ما تكن العين وقلبي زاد غرباله

سقى نو المزون اللي تحمّل بالمياه ثقال

ديارٍ يسكنه خل عليه الروح ميّاله

واراضٍ كان لي فيها مع ربوع الوفا مدهال

جنوب من العلا ما بين نفد الحمر وجباله

تصرّم وقتها الماضي ولا باقي سوى آمال

لها رغم السنين الغبر في وسط الحشا هاله