مرة معي مخلص ووافي ومرات

تقفي بك الدنيا وترفض تليني

دامي أبيك ومغرم فيك بالذات

لا تحرم اللي منك قلبه حزيني

خلك معي يا غاية القلب ساعات

يا شمعة الدنيا وبهجة سنيني

في شوفتك فزة خفوق ونشوات

ودمعة فرح تنساب من موق عيني

صفق لها قلب من الحب ما مات

على امل غيمة حنانك تجيني

يا غايتي يا سلوتي والمسرات

فيك الحنان ودافي الشوق فيني

انت الامل انت الهوى والملذات

هذي الحقيقة قلتها يا ظنيني

مالي بغيرك يا هوى البال نظرات

لو كان غيرك يا حياتي يبيني