اليوم صرت من التفرق شقاوي

حالي قضى واللي بقى دم وعروق

ما دام بك دم لو الحال ذاوي

ما دام سلم العود فالحال ملحوق

الصراحة وانت تدري ما بقى فيها صراحة

شفت عاد اشلون فرق الصمت عن صوت الكتابه

شطر هذا البيت في وادي وشطرٍ فالبراحه

ما اعتقد به بينهن تنسيق مضمون او تشابه

الصورة بذهني تقول ارجوك لا تجفى

تاقف قبالك,, تجاهل تاقف قبالي

الكسر في مثل هذا البيت ما يخفى

الألف واللام زاد الوزن يا الغالي

هذا زمان الفقر والهم والكبت

ماهو زمن سم وتدلل وجاتك

يطيب وقتك يا فتى الجود لا طبت

ويشين وقتك كان شانت صفاتك

صديقي والوفا ثالث وأنا وأنت الشتا والصيف

اجيك بوجهي الاول,, واصافح وجهك الثاني

مدام لصاحبك وجهين كيف تقابله؟ يا حيف

ترى من حب أبو وجهين عاش العمر بلشاني