امني نفسي الفرحة واتوه بزحمة احزاني
ولا يبقى من الذكرى كثر ما قد بقي فينا
حزينة والعمر يمضي واشوف الحزن ينصاني
مع اللوعه مع الحرمان ضيقه ما تخلينا
نعيش ونرقب الذكرى نعيش بجوها الهاني
نبي لحظة فرح وحده من الالام تحيينا
نبي لحظة فرح لكن نعود بدمعة العاني
ليالي كلها دمع بها الآهات تنهينا
صعيبة حيل ها الدنيا هدمت وغيري الباني!!
تبكينا تعاندنا تموت أكبر امانينا
خلود الحب يسكنا مشاعر جوها حاني
عذاب الوقت يقتلها بقايا الأمس تكفينا
بحور الهم تغرقنا تلاطم كني الجاني
وترمينا بلا رحمه بلا ساحل ولا مينا
جروح القلب والذكرى مع الغربة مع اشجاني
نسى النسيان يا خذها نسى حتى مآسينا
جروح الروح ما اكثرها تزيد بنزف شرياني
نوادعها تذكرنا تعود وتحتفي فينا
الا يا صفحة الحرمان الا يا دفتر احزاني
دخيلك برتجي يكفي من الصفحات وامحينا
والا يا وقتي القاسي رجيتك لو تنساني
تروح ونلتقى حسره وكن القصد تنهينا
ويبقى للأمل دربه اذا ضيعت عنواني
عسى نسعد بها الدنيا ونلقى بعض امانينا
