يا غربتي لو نطفي الشمع ما ذاب

وحل الغموض الصعب بينك وبيني

لا تنقشين الجرح,, والجرح ما طاب

انا أحسب انك بالدواء تحتريني

صار الوعد تجريح,, تجريح وعتاب

والبرد قاسي وألد جاء محتويني

تعبت أسج الرجل في دروب الأغراب

انهد حيلي بس,, ما عاد فيني

شبنا وحنا أغراب يا وجيه الأحباب

شبنا وشاب الشوق يا شيب عيني

شبنا من الغربة,, وللغربة أسباب

ومهما يكون الحل ما هو بيديني

راعي الهوى لو يحسب العمر بحساب

ما صار يشكي من ضياع السنيني

الصدق يأس,, والأمل فيك كذاب

لكن أببعد الين يطفىء حنيني