مرحباً بك يا ولي العهد يا نمر النماره

حفلنا نور سماه وبعدها رفرف سعدنا

الأمير مع الأمين وكل عضو في الادارة

رحبو بك يا سليل المجد ولدورك حمدنا

ونوروا مركز التعمير من نور الزياره

وننصب اعلام الفرح بانجازنا واثمر جهدنا

المهاره تجلت عندنا بفن العمارة

ما جلبناها من الخارج ويكفينا ولدنا

الخيار خيارنا واليوم نجني من ثماره

والعمل من صنعنا يا سيدي فيه انفردنا

وأنت وأقول أنت من قرر ونفذنا قراره

وانت حددت المسار اللي زرعناه وحصدنا

وأنت لعيون الرياض العاصمة تسهر لعاصمة الحضارة

وعود في عين الحسود اللي على النعمه حسدنا

وعشت يا شيخ فريد باقتداره

عاش زيزوم الرجال اللي على حبه وردنا

جنة المحتاج في الدنيا ولا يخفر جواره

الأمين الراشد اللي على نهجه رشدنا

طاهر في كل شي وأنت عنوان الطهاره

طاهر في كل شي ويعلم الله ما قصدنا

وقول نعم ونعم فيكم ما قصدنا به تجاره

ربحنا قول الحقيقة وهذا ما نشدنا

والسند في قولنا يا سيدي صدق العباره

قلتها ويقولها غيري ومن يأتي بعدنا

والزعامة والكرم ما جاتكم بالاستعاره

أصلها منكم وفيكم وراثة يا سندنا

والسيادة ما تجي صدفه ومن قدحة شراره

السياده ساسها فيكم وحنا منولدنا

ولا تزعزعنا العواصف ولا الحاسد ولا كثر الاثاره

كل فاسق نرد الكيد في نحره وفي وجه صمدنا

ويوم أبو فيصل تولانا رضينا باختياره

وقادنا للمجد أبو فيصل وهذا ما عهدنا

والفهد هو درعنا من حولنا يضفي ستاره

وقادنا نحو الرخا حتى على القمة صعدنا

ولا نسا حق الجوار ولا تضيع حقوق جاره

طبعنا عند المواقف ما نخالف ما وعدنا

وقاد سلطان السعد جيشه وساروا مع مساره

يحفظون العهد ويذودون عن حرمة بلدنا

ويوم جا وقت المعارك للمعارك شب ناره

كأنها لمع البروق وبعدها زلزل رعدنا

واستقر الجار في داره وجت منا البشاره

بانتصار الحق باذن الله وللخالق سجدنا

ويوم جا وقت اللزوم وثورة أطفال الحجارة

ما تقاعسنا عن الواجب وعنهم ما قعدنا

ولا نسينا ما فعل بأطفالنا فار الحجارة

وكل طفل مات منهم صار قطعه من جسدنا

وكل شي نبذله للقدس ما يحسب خساره

عن بيوت الله دايم ما نحسب في مددنا