عزتي بالله ونفسي ما تدنا

قاضبٍ سلم العرب والراس عالي

الكرامة والشهامة طبع اهلنا

ما تزول إلا ان ضلع طويق زالي

الوفاء فينا وفعل الخير منا

عادة نفخر بها بين الرجالي

لا نصانا العلم للجود احتملنا

سلم ابوي وجد ابوي وسلم خالي

الخوي والضيف له تقدير منا

جارنا ما يشتكي منا الخمالي

تصفي الايام والا ما صفنا

ما تغيرنا صواديف الليالي

التجارب والليالي علمنا

نفرق دروب الحرام من الحلالي

يا ضعيف النفس هرجك ما شحنا

ما حسبت الهرجه ضعوف الرجالي

لا جلس في مجلس قام يتسنا

حط روحه مثل ابو زيد الهلالي