عاش الوطن عاش الوطن واهل الوطن سالمين
الله يعز المملكة ويعز حكامها
لخدمة البيتين والله يا عرب خادمين
الله جعلهم من كبار الناس وعظامها
اللي على حكم الشريعة بالوطن حاكمين
الله يسلم منبع الايمان وامامها
اهل العدالة مانعين الظلم والظالمين
درع الجزيرة ناطحين الخصم وخصامها
اللي على فعل السعادة للوطن ساهرين
لبسوا ثياب العز فوق علق وسامها
الله ينصر راية الاسلام والمسلمين
فوق العلالي ترتفع وترفرف أعلامها
الله يخارجنا من الحسدان والحاسدين
اللي على شين النوايا تكتب اقلامها
حنا عرفنا مخلف النيات والصادقين
واهل الرديه عارفين غميص واعمامها
دون الوطن نعمي عيون الخصم والطامعين
نسقيه مر ونضرب العدوان وسهامها
مرحوم يا صقر الجزيرة خلف الغانمين
عبدالعزيز اللي نصر الدين واسلامها
