الكلام يقول ويطول ويجر الكلام

ما سريت البارح إلا على جرّة مره

ليت شعرك قبل هالبيت ذا جاه الختام

القصايد لو بعضها يخلّى, مفخره!!

لا البندق البندق اللي عن زناد الزهق

تدله ولا تسكب اللحظة تفاصيلها

بيتٍ بلا روح مثل البندق بلا فشق

ما كنها الا العصا, وخسارةٍ شيلها

حملي تقسّم وانقسم عشرة أقسام

حاولت أشيله لكن أزريت أشيله

دامه تقسم هان ولا أنت منظام

شل كل قسم لحال, والامر حيله

وأبذل المعروف فيهم قدر المستطاع

وأتبعه بالصمت وأنساه لو أظمى واجوع

ولّ, يالشطر العرج كان عنك الوزن ضاع

وأنت من تاليف رجلٍ بقدراته قنوع!!

هذا زمان الفقر والكبت

ما هو زمن سم, وتدلل, وجاتك

يطيب وقتك يافتى الجود لا طبت

ويشين وقتك كان شانت صفاتك

معك لو جيت بأحزاني اصافح (لعنة الترحاب)

تهج أقوامنا,,, قبل المواقف لا تحاصرها

غدا (الترحيب له لعنه) وأنا مدري وش الأسباب

عزاي لكل نفسٍ رحبت بقدوم خاطرها!!!