تكفيني الذكرى على عطر طرياه

وترحل بي النظرة ليا حل طيفه

لا واحبيبي طالت اليوم رجواه

مدري هجر والا ظروفه كليفه

مع السلامة قلتها يوم فرقاه

ودعت انا ربيع قلبي وريفه

ربيع قلبي جف كله من أقصاه

اقفى ربيعه وابتدى اليوم صيفه

أعلن رحيله مادرى وين دنياه

رحل ولا له نية بالنكيفه

مات الأمل عقبه وماتت بقاياه

ومستقبلي ملامحه لي مخيفه

لون الفرح من غيبته ما عرفناه

والحزن قلبي دايم مستضيفه

هذا شعور اللي فقد ما تمناه

ماجت له الدنيا على كيف كيفه

مهما يطول الوقت ما ظني انساه

ابي انتضر لو ان أمالي ضعيفه