تقول انك مثل عيني اذا زاد الحزن فيها

تفجر حزنها دمع يغرق كل ودياني

تجيني تشكي جراحك تبي مني أداويها

أنا ما بي جروح جداد انا تكفيني احزاني

ابي انسى أنا الماضي تجيني انت تاليها

تبي تحيي جروحي كلها وتغتال نسياني

طفت نار الهوى والشوق انا ارجوك خليها

اخاف انت تحرك جمرها ويثور بركاني

اذا ماتت جذور الحب كيف انت بترويها

انا من أظنها تحيا بعد ما يبست اغصاني

رسمت بوجنتي دمعة احاول دوم اداريها

واضم الآه في صدري واعانيها بوجداني