اشوفك وارسم الضحكة واحس ان الهوى ما غاب

رماني في هوى ذاتك ونفسي في بحر خوفه

الا ياكثر ما حبك وحبي لك مثار اعجاب

ترى من كثر ماحبك عشقت الشعر وحروفه

انا مالي ابد غيرك اهل في غربتي واحباب

كثر ماودك واكثر حسدت العين في شوفه

رجيت الحب في قربك ومالي في رجاك اعتاب

اراقب نجمك الساري وكن الروح مخطوفه

غريب وحيرة فيني ولا ادري وش الاسباب

حبيبي لا تخليني رهين الوقت وظروفه

زماني للاسف عاند وحظي انكسر وانصاب

الا ياشين ها الدمعة على الخدين مذروفه