ليل الشقا وانت الشقا فيك ياليل
ماشفت حالي فيك ياليل مهموم
ودي تحس بلوعة الهم والويل
حتى تجاوبني الى صحت مظلوم
ياليل جرحت القلب وشلون ترجيه
ترجي حنانه بعد مامات وشلون
ماعاد بك شيٍ عقب جرحك اغليه
قلبك وقفى مع هوى اللي يعذلون
راجع وانا قلبي من العام مجروح
راجع تبي نسيان مافات وياك
راجع وعينك تذرف الدمع مسفوح
وفر دموعك مابقى غير ذكراك
يامدعي بالشوق وين انت والشوق
ما أنت بتراعي من به الشوق طاويه
بيديك قلبي واشتكي منك العوق
في درب حبك قلبي اليوم شاكيه
دواي نسيانك وترتاح روحي
من حبك الماضي خلاص انتهينا
اجبرتني ابعد واقفي واروحي
وحنا على النسيان مثلك نسينا
