كل نفس بحفظ أمانتها رهينة
والنبي وصّى على حفظ الأمانة
وخاين بلاده,, مثل من خان دينه
ولا لمن يرتد عن دينه حصانه
الوفا حنا له حصونٍ حصينه
ومن يخون يحاربه حتى اخوانه
الولا لاخوان نوره معلنينه
والأمن ببلادنا معلين شانه
حافظه نايف,, عسى تسلم يمينه
اخلص بجهده ورب الكون اعانه
نايف اللي جامعٍ حزم وسكينه
مايراز بشدة الوقت وليانه
أمننا يرعاه في قلبه وعينه
وفكره اللي فوق ظن اهل الذهانه
كم رفا من ثلم في ماضي سنينه
نظرته تدّب,, قبل يدّب لسانه
العزيز يعز شانه,, مايهينه
والشريعة ظل للكل وضمانه
سيدي,, ماقلت شعبك خابرينه
عدلكم كلٍّ تمنى ظل امانه
الحقايق ماتخفى مستبينه
مثل نور الشمس للمبصر بيانه
والغرير اللي تبع مستغفلينه
تايهٍ باع المعزه بالاهانه
دان عمره قبل ماغيره يدينه
مثل ماقالوا فضح سره علانه
خاب مسعى من يطاوع حاسدينه
ومن يبي بالقرصنة صيت ومكانه
وش يقول اليوم لو ينشد خدينه
ويش مكسب كل منهم في زمانه
خاب مسعاهم وباتوا بالغبينه
واصبحوا رقمين في خانة خيانه
وعز شعب للعلا تبني يدينه
في ذرى مجدٍ وفا الوافين صانه
مع ملوكٍ بالشريعة حاكمينه
والحسود يموت في ذل ومهانه
