يا مسلمين القدس قامت تنادي

تصرخ بصوت عالي يصدع الراس

تقول: عاثوا في حماي الأعادي

من هو يطهرني من يدين الانجاس

خمسين عام والعدو وامتمادي

ترى المذلة طعمها مر يا ناس

لا تحسبون الوضع هين وعادي

عدوكم يحفر يبي هدمة الساس

تكفون يا أصحاب الشرف والمبادي

لا تتركون القدس لا نذال واخساس

يا قدس نقسم لك برب العبادي

انّا معك بقلوب وعقول واحساس

امّا وقفنا دون عرضك نفادي

لا خير في عيش المذلة والافلاس

وابشرك بالنصر والفجر بادي

واللي سلب حقك بالاقدام ينداس

هذا ونرفع بالدعاء الأيادي

ندعي عسى الله يكشف الكرب والباس

وختامها صلوا على خير هادي

عداد ما ذعذع من الصبح نسناس